Հայտարարություն ՀՀ քաղաքացիների համար նոր տիպի կորոնավիրուսի (COVID-19) լայն աշխարհագրական տարածման առնչությամբ

10 մարտի, 2020

Հարգելի´ հայրենակիցներ,

Հաշվի առնելով նոր տիպի կորոնավիրուսի (COVID-19) վարակի տարածման ներկա իրավիճակը՝ տեղեկացնում ենք, որ ՀՀ արտաքին գործերի նախարարությունը հորդորում է ՀՀ բոլոր քաղաքացիներին՝

❗️ ժամանակավորապես խուսափել Իրան, Չինաստան, Կորեայի Հանրապետություն, Ճապոնիա և ԵՄ երկրներ (առավելապես՝ Իտալիա, Գերմանիա, Ֆրանսիա և Իսպանիա) այցելություններից, բացառությամբ խիստ անհրաժեշտ դեպքերի:
❗️ Վերոնշյալ երկրներում գտնվելու կամ այցելելու պարագայում հետևել ՀՀ առողջապահության նախարարության կամ տվյալ երկրի համապատասխան իշխանությունների ցուցումներին և խորհուրդներին, կապ հաստատել տեղում ՀՀ դիվանագիտական ներկայացուցչությունների հետ և տեղեկություն տրամադրել գտնվելու վայրի վերաբերյալ (անուն, ազգանուն, բնակության վայր, հեռախոսահամար)։
❗️ ՀՀ քաղաքացիներին առաջարկում ենք նաև մշտական կապ պահել Շվեյցարիայում Հայաստանի դեսպանության հետ։
Շվեյցարիայում ՀՀ դեսպանության հետ կապ կարող եք հաստատել armconsulateswiss@mfa.am էլեկտրոնային հասցեով, դեսպանության ֆեյսբուքյան էջի միջոցով կամ դեսպանության հետևյալ հեռախոսահամարով՝ +41 22 320 11 00։
Տեղեկացնում ենք նաև, որ նման տեղեկատվության տրամադրումը որևէ պարտավորություն չի առաջացնում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր